كيف رد "التواصل" على خطاب السيسي حول صنافير وتيران؟

من جديد.. يفاجئ قائد الانقلاب العسكري في مصر، عبد الفتاح السيسي، المصريين بعدد من التصريحات، وصفها النشطاء بـ"الصادمة"، حيث تلاها ردود فعل متباينة على مواقع التواصل الاجتماعي، خاصة وأن حديثه الأربعاء كان عن جزيرتي تيران وصنافير، اللتين احتلتا مساحة واسعة من تعليقات المصريين مؤخرا.

وكان النشطاء قد أعربوا عن انتظارهم لتوضيح أسباب تنازل السيسي عن الجزيرتين للسعودية، وتوقعوا أن يظهر السيسي وثائق تؤيد موقفه، إلا أن ذلك الانتظار عاد عليهم بخيبة الأمل مع مقولة السيسي: "مش عايز كلام في الموضوع ده تاني وأنا مدتش إذن بالكلام".

اقرأ أيضا: السيسي يمدح شرفه ويتهم المصريين بإيذاء أنفسهم (فيديو)

#الكلام_مش بإذن

وعبر "فيسبوك" و"تويتر"، دشن الكاتب الصحفي تامر أبو عرب وسم "#الكلام_مش_بإذن". وكتب أبو عرب قائلا: "اتكلموا، ارفضوا، ناقشوا، اعترضوا، قولوا رأيكم، دي بلد مش مدرسة، ودول جزيرتين مش سندوتشين جبنة".

كذلك غرد الحقوقي جمال عيد: "لن نفرط في حقنا في حرية التعبير، اللي ما يتكلمش يا كتر همه، و#الكلام_مش_بإذن".

وعلق الممثل محمد عطية: "عاوزنا نستأذن قبل ما نتكلم وانت ما استأذنتش وانت بتبيع أرضنا؟".

وقال الصحفي محمد الجارحي: "تقدر تقطع البث، تقدر تحبس الشعب، تقدر تقتل ناس بريئة، تقدر تكدب وتلف وتدور، تقدر تبيع وتحمي فاسدين، بس عمرك ما هتقدر تخرس حد حر".

وأضاف عضو ائتلاف شباب الثورة شادي الغزالي حرب: "هتسمعنا كلنا غصب عنك إحنا مش زي المطبلتايه إللي جمعتهم عندك وهتسمع صوت الشعب كله يوم الجمعة".

#خطاب_السيسي

وعبر وسم "#خطاب_السيسي" الذي احتل المركز الأول على قائمة أعلى الوسوم تداولا على "تويتر" في مصر، قال الناشط السياسي أحمد خطاب ساخرا: "السيسي معقول ألاقي زميل فاضل بيتكلم على التليفزيون وبيقول كذا، هو الريس له زملا رؤساء في البلد!!". وأضاف: "ملخص خطاب السيسي: أنا مدتش الإذن لحد علشان يتكلم".

وغرد الإعلامي أسامة جاويش: "خطاب السيسي مفردات مهلهة لا علاقة لها ببعضها البعض، قمع لحرية التعبير ومنع الجميع من الكلام عدا هو، مصدر للسخرية والضحك بشكل مستمر".

وقال أستاذ العلوم السياسية سيف عبد الفتاح: "بيعاملهم كأنهم شوية عبيد.. واللي يرضى يروح يكلم خاين يبقى عبد فعلا .. اشربوا".

وفي تغريدات متعددة قال الحقوقي هيثم أبو خليل: "البيه اللي كان عايز يتكلم والسيسي سكته وقاله أنا لم أعط الأذن بالكلام مسكين مش فاهم إنه جاي طرطور يصفق بس".

وأضاف: "السيسي بيقولك عاملوني بالمثل حد يخطفه ويخفيه قسريا وينزل فيه ضرب وتعذيب وبعد كده يصفيه برصاصة ويقول إرهابي!!".

أما الصحفي تامر أبو عرب فقال في عدة تدوينات له: "رئيس جمهورية جامع رؤساء تحرير ومذيعين وشخصيات عامة المفروض يعني عشان يناقشهم في حاجة ليها علاقة بأمن مصر. قوم إيه يا جدع قال كام كلمة كدة مفيهمش معلومة واحدة جديدة ولا دليل واحد إن الجزر سعودية وقام محمر عينه وقايل: "مش عاوز كلام في الموضوع ده تاني" يعني أول حظر نشر بقرار رئاسي بس خد الكلام المفيد بقي: سكوت مش ساكتين.. وتيران وصنافير مصرية آمين؟".

وأضاف: "رئيس عامل لقاء علشان يناقش قضية الجزر فطلع واحد زي مفيد شهاب من التلاجة علشان مؤيد للموضوع وفي المقابل مجابش خبير واحد معارض بالتالي ده مش اجتماع مناقشة وما يخرج عنه لا يمثلني وتيران وصنافير مصرية".

كذلك غرد الصحفي أحمد زكي: "ملخص خطاب السيسي، ونهج السيسي، ودولة السيسي في جملة قالها في آخر مرافعته التاريخية: أنا مأذنتش لحد بالكلام".

وتساءل المدون مينا زكري: "السؤال بجد... هو الغشومية الفاجرة اللي هو فيها دي مستندة على ايه؟ دعم الجيش يعني؟ ولا دعم السعودية؟ أكيد مش ثقة في ناخبيه لا سمح الله مثلا".

وغردت الصحفية رشا عزب: "الدولة حولت دار الوثائق لحصن أمني عتيد فعلا.. مش بس خايفين من الحاضر دول خايفين حتى من استخدامنا للتاريخ".

#عاملوني بالمثل

أما وسم "#عاملوني_بالمثل"، الذي يحتل المركز الثالث حاليا على "تويتر" في مصر، فقد شهد مشاركات عدة من أهالي المعتقلين والمصابين وضحايا المجازر منذ بدء الانقلاب العسكري في مصر في 3 تموز/ يوليو 2013.

فغرد خالد حامد: "إلى أهالي المعتقلين والمختفيين احكوا عن معاناتكم واحكوا عايزين تعاملوه ازاي زي ما سلطته بتعاملكوا ويلا ننشرها".

وقال محمد المصري: "حكمت المحكمة عليك بالإعدام دون تحقيق ومن أول جلسة".

وغرد براء عابد: "ارحل إلى العقرب".

وقالت بثينة محمد: "الشرطة تعذب ولادك لحد الموت ومتخدش حقهم وتبقا المعامله بالمثل فعلا".

وتساءل أحمد السويسي: "نقتلك يعني ولا نحرق جثتك ولا نسجنك في زنزانة انفرادية في العقرب؟".

#ارحل

وعبر وسم "#ارحل" الذي احتل المركز الثاني على قائمة أعلى الوسوم تداولا في مصر، فقد طالب النشطاء السيسي بالرحيل بعد تصريحاته اليوم.

فقال إيهاب الشافعي: "بعد إقرار السيسي بالخيانة اليوم... لا مكان له ع ارض مصر ولا يستحق ان يدفن ف ارضها بعد موته... الخيانة ليست وجهة نظر".