سياسة عربية

التواصل: السيسي يعدكم الفقر ورفع الدعم عن المياه (شاهد)

القاهرة– عربي21– جمانة حمدي 06-Feb-16 07:22 PM

كشف السيسي أنه طلب من وزير الإسكان رفع ثمن وحدات الإسكان المتوسط - أرشيفية

أكد قائد الانقلاب العسكري في مصر، صباح السبت، أنه لن يستطيع دعم المياه بعد الآن، وعلى المصريين أن يدفعوا، مشيرا في ثنايا حديثه إلى زيادة أسعار المياه، مضيفا أنه رفع أسعار الإسكان المتوسط أيضا من أجل محدودي الدخل.

وخلال تفقده وافتتاحه عددا من المشروعات بمدينة السادس من أكتوبر، أكد أن الدولة لا تسطيع أن تقدم خدمة دعم المياه بعد الآن، ليس لأنها لا ترغب، لكنها لا تستطيع، مضيفا: "عشان أوفر مية صحية ونقية للمصريين كل يوم بتكلف مصر 40 مليون جنيه في اليوم".

وقال السيسي: "لازم نكون منتبهين والكلام ده للمسؤولين وللمصريين اللي بيتلقوا الخدمة، ولازم نعرف واحنا بنفتح حنفية والمية بتنزلنا منها بتكلف كام بحيث محدش يقول المية غالية عليا أو الكهربا غالية عليا".

وطالب المسؤولين: "اشرحوا للناس زي ما أنا بتكلم كده وتقوله متر المية اللي بيوصل لحضرتك ده بيكلفني كذا وانت بتاخده بالتمن الفلاني والدولة لا تستطيع أن تستمر بالطريقة دي، هي مش مش عايزة، لكن هي متقدرش ومش في استطاعتها إذا كنا بندور على الأجيال القادمة وحريصين على أحفادنا ".

وفي مقطع آخر من كلمته قال: "المصريين مش هيتهزوا من حجم التحديات.. نحن الآن نتحدث عن دولة وهتشوفوا المصريين".

وكشف السيسي أنه طلب من وزير الإسكان مصطفى مدبولي رفع ثمن وحدات الإسكان المتوسط لكي تتمكن الدولة من دعم وحدات الإسكان الخاصة بمحدودي الدخل.

وتابع: "رغم تخوف وزير الإسكان من الهجوم الإعلامي إلا إني طمأنته.. نحن نتحدث عن المصلحة الحقيقية للمواطنين وليس مصلحة الرئيس أو الحكومة".

التواصل: حل المياه بزيادة مرتبات الجيش والشرطة

وقد أثارت تصريحات السيسي موجة من السخرية على مواقع التواصل الاجتماعي مع إشارته لرفع الدعم عن المياه وزيادة أسعار الإسكان المتوسط.

فقال عضو جبهة الضمير عمرو عبد الهادي: "أحسن حل للسيسي لدعم المياه هو إنه يزود مرتبات الشرطة والجيش والقضاء".

وعلقت المغردة "بنت مصر الحرة" قائلة: "الفلوس دلوقتي اختفت يا عيني لكن بتظهر لما بتزود مرتبات الضباط والقضاة!!! لا تخرج قبل أن تقول سبحان الله".

وعلقت حركة شباب 6 إبريل: "الجنرال الحاكم منفعلاً على المصريين: أنا مش هقدر أدعم المياه بعد كده الفلوس للجيش والشرطة والقضاء بس".

وقالت منى محجوب: "بيقولك السيسي هيرفع الدعم عن المية، يا راجل عيب عليك، هو أصلا هيبقى في نيل ولا مية كمان سنتين.. يلا أهو يلحق يلم اللي يقدر عليه منكم".

وأضاف الكوميدي يوسف حسين: "السيسي بيقول للمصريين أنا مش هقدر أدعم المياه أكثر من كده.. ولازم تدفعوا، ياريس دوس وإحنا معاك.. ده أنا لو منك أبيع الهوا في أزايز".

وسخرت ياسمين الخطيب من حديث السيسي فقالت: "عايزين نبني بلدنا ونكّبرها ونفرح بيها، ده مش نشيد أطفال.. ده من كلمة السيسي النهارده في افتتاح محطة مياه الشرب في 6 أكتوبر".

وعلق الناشط السياسي ممدوح حمزة على بذاخة الاحتفال فقال: "سجادة حمراء للشخصيات نعم، إنما سجاده حمراء للسيارات لم يفعلها الملك فاروق أو أي ملك آخر".

وغرد الإعلامي أسامة جاويش: "السيسي يهدد المصريين برفع الدعم عن المياه صحييييح اللي ضيع مياه النيل في إثيوبيا لازم يقلل استهلاك الشعب للمياه في مصر عشان يوفر".

وقال المؤرخ سليم عزوز: "السيسي سيرفع دعم الماء.. الدولة متقدرش.. كل حاجة الدولة متقدرتش! هي الدولة واضح إنها متقدرتش غير على أنها تعتقل".

وأضاف أحمد خطاب: "السيسي للمصريين: نجيب لكم فلوس منين؟! من أرباح قناة السويس الجديدة أو من المؤتمر الاقتصادي أو العاصمة الجديدة، الخير كثير".

وتساءلت الإعلامية نادية أبو المجد: "إيه علاقة تصريحات السيسي مؤخرا بمصر حتبقى قد الدنيا بعد الانقلاب؟".

وقال الناشط مجدي كامل: "السيسي يعدكم الفقر والسجون والموت والظلم، خمس رسائل في كلمة السيسي.. أبرزها خفض الدعم".