المتحدث باسم "تمرد" للسيسي: الشعب تعب وقرف وزهق

وجه أحد مؤسسي حركة "تمرد"، والمتحدث الرسمي باسمها، حسن شاهين، خطابا مفاجئا إلى رئيس الانقلاب عبد الفتاح السيسي، قال له فيه: "شعبك تعب، وقرف، وزهق"، وطالبه بالنزول إلى المصريين، وأن يرى البلاد "من تحت"، وفق قوله، "قبل ما نقول: "ياريت اللي جرى ما كان"، على حد تعبيره.

جاء ذلك في تدوينة كتبها شاهين على صفحته على موقع التواصل الاجتماعي "فيسبوك"، مساء الخميس، وطالعتها صحيفة "عربي21"، واستهلها شاهين بتوجيه انتقادات إلى جهاز الدولة.

فقال: "كفاية كدب بقى.. كفاية عك بقى.. لسه جهاز الدولة مش عايز يخرج من عقليته اللي انتهت من العصر الحجري.. لسه جهاز الدولة بيعالج الأخطاء والمصايب بنفس الطرق السلبية".

وخاطب السيسي قائلا: "أنت فين يا سيادة رئيس الجمهورية.. انزل بقى وشوف البلد من تحت.. كل
اللي حواليك بيغشوك.. أنت عارف كده، ولا مش عارف؟".

وتابع: "انزل يا سيادة الرئيس.. شوف حال الشباب اللي طالع عينه عشان نفسه بس يعيش عيشة كريمة، ويأخد أبسط حقوقه.. إنه يعرف يشتغل.. انزل يا سيادة الرئيس شوف كبار الحرامية اللي رجعوا تاني يدوسوا على الشعب والشباب.. انزل شوف مسؤولينك فى كل الأجهزة اللي مربطين تربيطات بعينها كلها محسوبية لصالح ناس بعينها كأن باقي الناس ملهاش قيمة أصلا إن حد يسمعها".

وتابع شاهين توجيه حديثه إلى السيسي فقال: "انزل شوف غلاء الأسعار، والسوق السودا.. انزل شوف الداخلية اللي بتتعامل مع الشعب على أنه عبيد عندهم، ورجعوا تاني لنفس الطرق القذرة، ومش حادثة واحدة.. لا.. ده كل يوم بتتكرر حوادث كتيير.. انزل شوف المستشفيات والناس اللي بتموت بسبب الإهمال".

وتابع مؤسس "تمرد" تدوينته قائلا للسيسي: "انزل شوف حالات كتيير بتموت بنفس أعراض مرض واحد من الممكن يكون وباء فعلا.. ووزير الصحة بينفي أصلا كل حاجة.. ومش بيتكلم بصراحة.. انزل شوف الفساد اللي واكل عضم البلد".

واختتم تدوينته بقوله: "انزل شوف حاجات كتيير أوي.. شعبك تعب وقرف وزهق.. انزل يا سيادة الرئيس للأرض، وبص للناس، والشعب، والشباب قبل ما نقول: "ياريت اللي جرى ما كان".. "اللهم بلغنا.. اللهم فاشهد".

تعليقات ساخرة من السيسي

وقد لقيت التدوينة إعجاب الكثيرين، وتشاركوها، كما اهتموا بالتعليق عليها.

فقال محمد بركات ساخرا: "ينزل فين في الحر ده؟". وقالت دعاء خليفة: "أنا معاك جدا". 

وقالت روان يوسف: "مش هينزل لأنه عارف كل ده بس بيقولك مش وقته.. بنحارب الإرهاب.. وبعدين الجو حر ينزل فين.. أنت عايزه ياخد ضربة شمس.. حرام.. الحقيقة اللي الناس هتدركها واحدة واحدة أن اختيارهم كان غلط، وأنهم اختاروا واحد فاشل لا يملك أي رؤية".

وقال ناجي سرحان: "ينزل فين.. انت عارف درجة الحرارة كام؟".

وقال تامر البنا: "الهاشتاج بيحارب الإرهاب.. مش فاضي للتفاهات دي".

وقال محمد عيد: "انت بتناشد على بابا بتاعهم".. فيما قالت رنا الدسوقي: "انزل أحسن دلوقتي بمزاجك بدل ما تلاقي اللي هينزلوك".

يذكر أن "حسن شاهين" صحفي، وهو أحد ثلاثة شاركوا في تأسيس حركة "تمرد" التي دعمتها المخابرات المصرية، ومولتها الإمارات، واستُخدمت كأداة لإسقاط نظام حكم الرئيس محمد مرسي، كما أنه المتحدث الإعلامي والرسمي لحركة "تمرد".

وسبق شاهين إلى انتقاد السيسي من أعضاء حركة "تمرد" كل من: العضو محب دوس، والعضوة غادة نجيب، كما انشق عن الحركة كثيرون، سواء قبل 30 يونيو 2013 أو بعده .