سياسة عربية

مذيعة مصرية: التصبيحة بخمسة جنيه واحنا اضحك علينا (شاهد)

القاهرة– عربي21– جمانة حمدي 27-Feb-16 10:12 PM

اعتبرت المذيعة عزة مصطفى أن مبادرة التصبيح سخرية من الشعب - أرشيفية

انتقدت المذيعة عزة مصطفى "تسعيرة" التصبيح على مصر بعد أن تم الكشف عن أنها ليست بجنيه واحد كما قال قائد الانقلاب السيسي، وإنما بخمسة جنيهات فيما وصفته أنه "خداع وعدم مصداقية".

وقالت مصطفى على فضائية "صدى البلد" في سياق تعليقها على حصيلة "التصبيح" على مصر في اليوم الأول الذي تلا تصريحات السيسي والتي وصلت إلى 2 مليون جنيه، فعلقت: "أنا مضايقة، لأن امبارح طول الوقت كنت بقول تعالوا نصبح على مصر بجنيه، لكن النهاردة مقلتش لأن التصبيحة مطلعتش بجنيه وطلعت بخمسة جنيه".

وقالت: "أنا حسيت إنه أضحك علينا إن الرسالة طلعت بخمسة جنيه وكان ممكن الـ2 مليون يتضاعفوا اليوم لو كان في مصداقية".

تصبيحات إجبارية

في السياق ذاته، انتقد النشطاء على مواقع التواصل الاجتماعي "التصبيح" على مصر سواء كان بجنيه أو بخمسة جنيهات، معتبرين أنهم يصبحون على مصر يوميا إجباريا بسبب "الإتاوات" التي يفرضها الجيش على الطرق السريعة في مصر تحت مسمى رسوم والتي تتراوح بين 5 و10 جنيهات.

وقالت الناشطة إيمان أسامة في تدوينة مطولة: "احنا بنصبح على مصر بخمسة جنيه كل ما نطلع على الصحراوي إسماعيلية أو إسكندريه أو الزقازيق وبنمسي واحنا راجعين بكمان خمسة، غير العشرة جنيه في طريق القرية الذكيه لو رايح هناك".

وأضافت: "احنا بندفع ضرايب مش بس لما نقبض مرتباتنا لا بندفع واحنا بندفع برضه فاتوره تليفون أو كهرباء أو مطعم أو أي خدمة بندفع مقابلها، فيه ضريبه مبيعات، المياه متنفعش من الحنفية في معظم المناطق وبندفع ألوف في المياه المعدنية أو العلاج من مياه الحنفية، باختصار احنا مصبحين وممسيين ومستويين".

أهالي المعتقلين لهم "تصبيحة" خصوصي

وكان من ضمن التعليقات الناقدة ما كتبته رفيدة الصفتي زوجة الصحفي المعتقل محمد البطاوي عبر تدوينة لها قالت فيها: "في كل الأحوال كلنا بنصبح على مصر إجباري.. لكن أهالي المعتقلين بيصبحوا على مصر اصطباحة خصوصي يوم الزيارة، مثلا: بتصبح على بتاعة الأمانات وانت بتسلم موبايلك أو بتستلمه وانت مروح، بتصبح على اللي بيفتشك تفتيش ذاتي علشان يخف إيده شوية وفقرة التحرش تخلص على خير، بتصبح على المخبرين اللي بيفتشوا الأكل علشان يبقى منظره كويس وحضاري لما يدخل جوه للمعتقل بتاعك".

وأضافت: "بتصبح على أمناء الشرطة علشان تدخل زيارة أو يخلوا المعتقل بتاعك يقعد شوية معاك، بتصبح على الظابط علشان يدخل كتاب أو راديو أو بطانية أو ترفض دخولهم، بتصبح على المأمور علشان تنقل معتقل من زنزانة لزنزانة تانية أو مستشفى لو تعبان، بتصبح على وكيل النيابة علشان يخرج الإنسان المسجون ظلم على ذمة قضية، بتصبح على سكرتير الجلسة علشان يقولك القرار بسرعة بدل ما تعرفه تاني أو رابع يوم، بتصبح على القاضي بس لو عرفت توصله".