صحيفة: المصريون أشهر من صنع البيتزا في فينيسيا الإيطالية

يؤكد مصريون أنهم يمتلكون 10% من مطاعم منطقة فينيسيا السياحية، وأنهم يتحكمون بالأسعار هناك، فيما تقول صحيفة أجرت تحقيقا هناك أن المصريين أشهر من صنعوا البيتزا في بلد البيتزا. 

ووفق تحقيق لصحيفة "المصري اليوم" المصرية، فقد تتفاجأ أن أحد أشهر مطاعم البتيزا هناك، وبالتحديد من ناحية قناة فينيسيا الشهيرة، أن كل أنواع البيتزا التي تراها في قائمة الطعام المعلقة بجانب مدخل المطعم يصنعها طباخ ليس من بلادها، بل طباخ مصري، ويقدمها لك نادل مصري، أما رئيسهم، صاحب المطعم، فلا تختلف جنسيته عنهما، إنه حنا عزيز أحد أهم أضلاع إمبراطورية المطاعم المصرية في فينيسا.

يقول عزيز: "خلي بالك فينيسيا فيها عدد مطاعم لمصرييين كتير جدا، إحنا جالية قليلة جدا، إلا أنني أقدر أقول لك إننا أكثر ناس تتحكم في الأسعار في فينيسيا، إحنا كلنا بنشتغل في نفس المجال تقريبا، مجال المطاعم".

"أنا أعتبر من جيل الوسط بقالي 20 سنة، في ناس سبقتني بقالها 30 و35 سنة هنا في فينيسيا بيشتغلوا في مطاعم، وكلنا بدأنا من الصفر، يعني كله بدأ يغسل أطباق ويشتغل نادل والحاجات دي، بس إحنا بنعرف نعمل كل حاجة في المهنة البيتزا أو تشتغل نادل، وأنا مش المطعم الوحيد، في ممكن أكثر من 30 مطعم يملكه مصريين، إحنا ممكن نقول إن إحنا كمصريين عندنا 10% في المطاعم بتاعة فينيسيا"، يقول عزيز.

ويمتلك عزيز اليوم مع أخيه أربعة مطاعم في المدينة السياحية التاريخية في إيطاليا.

يضيف عزيز أنه بعد سنوات من العمل في المهن الصغيرة في المطاعم، استطاع مع شقيقه شراء مطعم "سوتوبروفا"، إلا أن رحلتهما حتى شرائه لم تكن بهذه السهولة، «المطعم ده اشتريناه في 2006، الأول كان عندنا حوالي 25% من المطعم، بعدين اشترينا المكان ده، بعدين اشترينا مكان تاني وبعدين مكان تاني، في فينيسيا بتعرف تشتغل بتكسب".

وتفاخر المصري بفن صناعة أبناء بلاده للبيتزا في محل منشئها نفسه، "الإيطاليون بيقولوا أحسن ناس تعمل بيتزا على مستوى إيطاليا هم المصريين، أنا معرفش ليه، بس أنا بالنسبالي البيتزا اتولدت في نابولي، وأعتقد إنهم خدوها من العيش العربي وبدأوا يحطوا عليه موتزاريلا فإحنا بالطبيعة عندنا العيش العربي بتاعنا، إحنا أحسن ناس بنعمل بيتزا دي حقيقة، وإحنا أشهر ناس بتعمل بيتزا في المنطقة دي، إنت لو مشيت في الشارع وسألت عايز أكل بيتزا حلوة هيقولولك روح عند المصريين، لأن إحنا فعلا مشهورين جدا، وأكثر زبائني هم الفينيسيين من هنا، وأنا عندي الطباخين مصريين".